esto y l'otro tamién

fágovos saber que amás del cursu y l'estudiu y les oposiciones y el trabayu y too eso que quienes non tenemos otru modu pa ganamos la vida, si esto ye vida, que acudir al mercáu de trabayu a poner en venta lo único que tenemos po lo que nos den daqué que mos permita sobrevivir, ya sabeis la fuerza de los nuestros brazos o les habilidaes de los nuestros miollos, vamos, la sesera; pos eso que amás yo, ente otres coses prestoses, deses que dan vidilla, faigo un programa en "radio cucaracha", la radio llibre d'Oviéu -rQK-107.3 fm y tamién por l'interné www. radioQK.org- ayudáu por un collaciu y darréu colaboro con él n'utru. Ambos los dos son el sábadu, primero "por la tangente" a les seis de la tardi y a les siete "el muxicu". La QK ta rulando nel aire dende'l ochentaitrés, ensin plegase al Capital, vamos que non hai anuncios ni tratu dengún con denguna empresa, ni al Estáu, vamos que non hai suvenciones. La xente que fai programa paga una cuota, 10 euros, y con eso tiramos p'alantre, porque como ya dexó dicho Berto la rempuesta, amig@, ta rulando en pe l'aire.
Tais convidaos a pillar la onda y/o a facer el vuestru propiu programa ol de dalgún collectivu nel que teais. Semos "tolerantes" con too menos con les actitudes xenófobes, sexistes, racistes y agresives col mediu ambiente.
Polo demás sois xente abertable, guapo y bones y bonos rapaces, la Chelo tamién y ye de agradecéi tos los sos esfuerzos pa deprendemos to lo que mos fexo deprender y trasmitimos l'amor y tamién la mor de los llibros y la conocencia.