El Ministeriu de Cultura y el Gobiernu de Canaries collaboren cola Asociación del Llibru Infantil y Xuvenil na cellebración del Día de la Biblioteca 2009. L’oxetivu d’esti actu ye fomentar l’usu de la biblioteca como serviciu indispensable pal desendolcu d’una sociedá democrática, na que’l drechu al accesu llibre a la información tea garantizáu poles instituciones públiques.
La iniciativa de la cellebración partió dende l’Asociación Española d’Amigos del Llibru Infantil y Xuvenil en 1997, y nos últimos años foi fundamental la collaboración institucional del Ministeriu de Cultura coles comunidaes autónomes pa patrocinala.
Les actividaes del Día de la Biblioteca 2009 llévense a cabu nos díes 23 y 24 d’ochobre. L’actu cimeru tien llugar na Biblioteca Pública del Estáu en Les Palmes, y habrá tamién actuaciones n’otros centros, como nel Hospital Maternu Infantil.
Como vien siendo avezáu los últimos años, la imaxe y el pregón escoyíos son realizaos por un illustrador y un escritor de la Comunidá Autónoma na que se realicen los actos de cellebración. Esti añu la eleición pal diseñu del cartelu recayó sobre Rafa Vivas y el testu ye de Carlos Guillermo Domínguez.
Programa (PDF: 721 KB)
No hay comentarios:
Publicar un comentario